ხუთშაბათი, აგვისტო 13, 2020
No menu items!
No menu items!
Home პოლიტიკა ტყვეობის 25-ე დღე – ვაჟა გაფრინდაშვილის საქმე ოკუპირებული ახალგორის ე.წ სასამართლოს გადაეცა

ტყვეობის 25-ე დღე – ვაჟა გაფრინდაშვილის საქმე ოკუპირებული ახალგორის ე.წ სასამართლოს გადაეცა

25 დღიანი ტყვეობის შემდეგ, წინასწარ პატიმრობაში მყოფი მედიკოსის საქმე ოკუპირებული ახალგორის ე.წ სასამართლოს გადაეცა. მუხლი, რომლითაც ვაჟა გაფრინდაშვილს საკუთარ ქვეყანაში უკანონოდ გავლებული საზღვრის კვეთას ედავებიან, სამიდან ერთ-ერთ სასჯელს ითვალისწინებს: 2 წლიან პატიმრობას, 2 წლიან იძულებით შრომას ან ფინანსურ ჯარიმას. ვაჟა ექიმის მეუღლე იმედოვნებს, რომ ოკუპირებული ახალგორის ე.წ. სასამართლო სწორედ ფულად ჯარიმაზე შეჩერდება და ექიმი ოჯახს დროულად დაუბრუნდება.

დე ფაქტო კანონმდებლობით, ე.წ. სასამართლო სხდომა მასალების გადაცემიდან 14 დღის ვადაში უნდა ჩაინიშნოს. ვაჟა გაფრინდაშვილის კოლეგებიც, ოჯახის წევრების მსგავსად ფიქრობენ, რომ ოკუპირებულ რეგიონში კონტროლის განმახორციელებლები ამჯერად ჰუმანურ გადაწყვეტილებას მიიღებენ.

ე.წ. სასამართლო სხდომის ჩანიშვნას ელოდებიან ცენტრალურ ხელისუფლებაშიც, სადაც დღეს იმედი გამოითქვა, რომ ვაჟა გაფრინდაშვილს სწორედ პროცესის დასრულების შემდეგ გაათავისუფლებენ. საკითხზე მინიშნება გაკეთდა პრაღის შეხვედრებზეც, სადაც გრიგორი კარასინმა ვადად უახლოესი დღეები დაასახელა.

ვიდრე ხელისუფლებაში ამბობენ, რომ ექიმის დასახსნელად ყველა საერთაშორისო ბერკეტია ამუშავებული, ოპოზიციის ნაწილი ბერკეტების არაეფექტურ გამოყენებაზე, ნაწილი კი მათ საერთოდ არქონაზე საუბრობს.

ვაჟა გაფრინდაშვილს დე-ფაქტო რეჟიმი რუსეთის ფედერაციის სისხლის სამართლის კოდექსის მიხედვით ედავება, კერძოდ 322-ე მუხლით, რომელიც სახელმწიფო საზღვრის უკანონო კვეთას გულისხმობს. ე.წ. საზღვრის, რომელსაც მხოლოდ რუსეთი ცნობს და რომელსაც დანარჩენი მსოფლიო საოკუპაციო ხაზს უწოდებს.

Timer.Gehttp://timer.ge
საინფორმაციო–ანალიტიკური სააგენტო Timer.ge პოლიტიკურ, სოციალურ, ეკონომიკურ, კულტურულ და სხვა მოვლენებს საქართველოსა და მის ფარგლებს გარეთ ამომწურავად და მიუკერძოებლად აშუქებს.
- Advertisment -

Most Popular

Stack 3.0 — ქართული სმარტ-ბრაუზერი MacOS-ის შემდეგ Windows-ზეც გამოდის

Stack — პირველი ქართული სმარტ-ბრაუზერია, რომელიც ინტერნეტში მუშაობას ბევრად ეფექტურსა და მოქნილს ხდის. ახალ ბრაუზერზე მუშაობა წელიწად-ნახევრის წინ დაიწყო და მას მსოფლიოში უკვე 30 000-მდე...

კრისტალმა მიკრო მეწარმეებისა და ფერმერებისთვის BlueOrchard-სგან 5 მილიონი დოლარი მოიზიდა

საერთაშორისო საფინანსო ორგანიზაცია BlueOrchard Finance-თან გრძელვადიანი პარტნიორობის ფარგლებში, ფინანსური ჩართულობის კომპანია კრისტალმა 5 მილიონი აშშ დოლარის მოცულობის ინვესტიცია მოიზიდა, რომელიც საქართველოს მასშტაბით მიკრო მეწარმეებისა...

Betterhelp: Betterfly მცირე და საშუალო ბიზნესს უფასო საკომუნიკაციო გეგმით დაეხმარება

კორონავირუსმა მცირე და საშუალო ბიზნესები დიდი გამოწვევის წინაშე დააყენა. იმისთვის, რომ ეს კომპანიები მომხმარებლების ცნობიერებიდან ბოლომდე არ გაქრნენ, სარეკლამო სააგენტო ბეთერფლაიმ სპეციალური პროექტი შექმნა....

ვითიბი ბანკმა VISA -სთან ერთდ ახალი ბარათი VISA Signature წარმოადგინა

VISA Signature პრემიალური ტიპის ბარათია, რომლის მფლობელებს შეუძლიათ ისარგებლონ ექსკლუზიური პირობებით და კონკრეტულად ამ ბარათისთვის შექმნილი სერვისებითა და პრივილეგიებით. ვითიბი ბანკი აღნიშნულ ბარათს, პრემიუმ...

ბოლო კომენტარები