რადიოქალაქის მშენებლობაზე გამარჯვებული კომპანია გამოვლინდა

რადიოქალაქის მშენებლობაზე გამარჯვებული კომპანია გამოვლინდა, – ამის შესახებ თბილისის მერმა კახა კალაძემ მთავრობის სხდომაზე განაცხადა. 

„ჩემს წინასაარჩევნო დაპირებაში მუხიანში რადიოქარხნის ტერიტორიაც შედიოდა. გვინდა განვავითაროთ პროექტი, რომელიც გლდანისთვის, მუხიანისთვის, თემქისთვის ერთგვარი მიზიდულობის ცენტრი იქნება. ყოფილი რადიოქარხნის ტერიტორია აუქციონზე იყო გამოტანილი და გვყავს გამარჯვებული კომპანია – „ინდუსტრიული ქალაქი“. პროექტი 23 მლნ ლარად გაიყიდა.

კოლიერსის“ მიერ შემუშავებული კონცეფციის მიხედვით, აქ მოეწყობა: კვების ობიექტები, სავაჭრო სივრცეები, ღამის კლუბი, მულტიფუნქციური საკონცერტო სივრცე, საგამოფენო სივრცე, ფიტნეს და სხვა ტიპის სპორტული სივრცეები, საცურაო აუზი, სარეკრეაციო სივრცე, კინოთეატრი, გასართობი ცენტრი, მედიათეკა, მინი საბავშვო ქალაქი, მეცნიერებათა მუზეუმი, კულინარიის სივრცე, სამუშაო-საწარმოო სივრცე და ა.შ.

ჯგუფი, რომელმაც გაიმარჯვა, საკმაოდ წარმატებულია. ეს ჯგუფი დედაქალაში ისეთ მნიშვნელოვან და საინტერესო ობიექტებს ფლობს, როგორიც არის: სასტუმრო „რუმსი“, სასტუმრო „სტამბა“, „ფაბრიკა“ და ა.შ. დარწმუნებული ვარ ძალიან მაგარ პროექტს გავაკეთებთ“, – განმარტა კალაძემ.

You may have missed