ბლოგერი და მწერალი ბექა ადამაშვილი პირველი ქართველი მწერალია, ვინც ევროკავშირის ლიტერატურული პრიზის მფლობელი გახდა. ევროკავშირის ლიტერატურული პრემიის დაჯილდოება ბრიუსელში გაიმართა. ბექა ადამაშვილს ევროკავშირის ლიტერატურული პრემია ევროპის გამომცემელთა პრეზიდენტმა გადასცა.
ბექა ადამაშვილის სადებიუტო წიგნი “ბესტსელერია“, რომელიც 2014 წელს გამოიცა. შემდეგი წიგნი “ამ რომანში ყველა კვდება” კი 2018 წელს გამოვიდა. სწორედ ეს რომანი გახდა ევროკავშირის ლიტერატურული პრემიის მფლობელი.
წიგნის მთავარი გმირი “მემენტო მორია“, რომელიც აღმოაჩენს, რომ რომანის პერსონაჟია და წიგნებში მოგზაურობის სუპერძალა აქვს. ის ცდილობს საკუთარი უნარები მრისხანე ავტორებს დაუპირისპიროს და მათი გმირები სიკვდილისგან იხსნას.
ეს ლიტერატურული კონკურსი წიგნის გამავრცელებელთა ევროპული და საერთაშორისო ფედერაციის, ევროპის მწერალთა საბჭოსა და ევროპელ გამომცემელთა ფედერაციის ევროპული კომისიის (ევროკავშირის) ორგანიზებით გამოცხადდა. კონკურსში აჯიდლოვებენ ახალგაზრდა ავტორებს, რომლებიც თავიანთი ნაწერით წარმოაჩენენ ევროპული ლიტერატურისა და კულტურის სიმდიდრეს.
2019 წელს კონკურსში 14 ქვეყნის წარმომადგენელი მონაწილეობდა – ავსტრია, ფინეთი, საფრანგეთი, საქართველო, უნგრეთი, ირლანდია, იტალია, ლიტვა, რუმინეთი, პოლონეთი, საბერძნეთი, სლოვაკეთი, დიდი ბრიტანეთი და უკრაინა.
საქართველო და უკრაინა წელს პირველად მონაწილეობდნენ ამ კონკურსში. ბექა ადამაშვილი კი პირველი ქართველი ავტორია, ვინც ეს ჯილდო მოიპოვა.
Congratulations to these three #eupl19 winners:
🏅 Giovanni Dozzini (Italy): “E BABOUCAR GUIDAVA LA FILA”
🏅 Jan Carson (Ireland): “THE FIRE STARTERS”
🏅 Beqa Adamashvili (Georgia): “ამ რომანში ყველა კვდება”#creativeeurope #europeforculture #[email protected]_creative @EU2019FI pic.twitter.com/Z35KwTvbPB— EUPL (@EUPLPrize) October 2, 2019
