ტრამპი: „ისლამური სახელმწიფოს“ ახალი ლიდერის ადგილსამყოფელიც ვიცით

0
1

ამერიკის შეერთებულმა შტატების პრეზიდენტის დონალდ ტრამპის განცხადებით, აშშ-სთვის „ისლამური სახელმწიფოს“ მეთაურის ადგილსამყოფელი ცნობილია. ამის შესახებ სააგენტო AFP იუწყება.

„ამერიკელი სამხედროების დამსახურებით აბუ ბაქრ ალ-ბაღდადი ლიკვიდირებულია, მისი პოტენციური მემკვიდრე ასევე ლიკვიდირებულია. ჩვენ ახლა ორგანიზაციის მესამე პირსაც ვუთვალთვალებთ, რომელმაც ტერორისტული დაჯგუფების მეთაურობა ჩაიბარა. მას სერიოზული პრობლემები შეექმნა, ვინაიდან ჩვენ მისი ადგილსამყოფელი ვიცით“, – განაცხადა ტრამპმა.

31 ოქტომბერს „ისლამურმა სახელმწიფომ“ აბუ ბაქრ ალ-ბაღდადის გარდაცვალება დაადასტურა და მის შემცვლელად აბუ იბრაჰიმ ალ-ჰაშიმი ალ-ქურაიში დაასახელა. მანამდე ტრამპმა დაწერა, რომ ამერიკელმა ჯარისკაცებმა ალ-ბაღდადის სავარაუდო შემცვლელის ლიკვიდირება შეძლეს, თუმცა მისი ვინაობა არ გაამხილა.

27 ოქტომბერს ტრამპმა დაადასტურა, რომ „ისლამური სახელმწიფოს“ ლიდერი ალ-ბაღდადი ჩრდილოეთ სირიაში სამხედრო ოპერაციისას მოკლეს. ვინ იყო აბუ ბაქრ ალ-ბაღდადი, შეგიძლიათ წაიკითხოთ ამ ბმულზე.