ქართველი სოპრანო ნინა ცარელაშვილი Tour Music Fest- ის ფინალისტია

0
4

ქართველი სოპრანო ნინა (ნუკი) ცარელაშვილი პრესტიჟული ევროპული მუსიკალური კონკურსის Tour Music Fest-ის ფინალისტია.

ფინალში გასული კონკურსანტების სია კონკურსის ოფიციალურ ვებგვერდზეა გამოქვეყნებული. ნინა ცარელაშვილი ოპერის ჟანრში გამარჯვებულ ფინალისტთა შორის არის. მან ნახევარფინალში მიმის არია შეასრულა ჯაკომო პუჩინის ოპერიდან „ბოჰემა”.

ნახევარფინალისტების მოსმენა ქალაქ რომში გაიმართა, სადაც დაგეგმილია Tour Music Fest- ის ევროპული ფინალიც 24 დეკემბერს. რომში სხვადასხვა ქვეყნებიდან ეროვნულ ფინალში გადასული შემსრულებლები ჩავლენ. 

Tour Music Fest-ი ევროპის პრესტიჟული კონკურსია, რომელში მონაწილეობის მიღებაც ევროპული ქვეყნებიდან წარდგენილ მომღერლებს შეუძლიათ. იტალიის მასშტაბით კონკურსანტები 6-თვიანი ქასთინგის შედეგად შეირჩნენ.

ოპერა 7 კატეგორიიდან ერთ-ერთია, რომელშიც გამარჯვების შანსი იტალიაში მცხოვრებ ქართველ მომღერალს აქვს. ნინა ცარელაშვილმა ჟიურის მოწონება პირველივე ლაივაუდიენციის შემდეგ დაიმსახურა და კონკურსის ეტაპები წარმატებით გაირა.

Tour Music Fest-ის 2019 წლის ფინალში გამარჯვების შემთხვევაში თითოეული კატეგორიის ტოპშემსრულებელს შანსი აქვს 10 000 ევროს დაფინანსებული კონტრაქტი ან საერთაშორისო ტური მოიგოს.