თურქეთი რუსულ ს-400-ის ანტისაჰაერო სისტემებს შესასწავლად აშშ-ს გადასცემს

0
10

ოფიციალური ანკარის განცხადებით, თურქული არმიის შეიარაღებაში არსებულ რუსულ ანტისაჰაერო კომპლექს ს-400-ებს გადასცემენ ამერიკელებს მათი ტექნოლოგიურად შესასწავლად. ამის შესახებ ინფორმაციას რუსული მედია ავრცელებს.

სტატიაში ნათქვამია, რომ რუსულ ს-400-ებს შესაძლოა სერიოზული პრობლემები შეექმნას მომავალში, მას შემდეგ რაც თურქები ამერიკელ პარტნიორებს გადასცემენ კომპლექსის ტექნოლოგიებს შესასწავლად. აღნიშნული გადაწყვეტილება იქნა მიღებული მას შემდეგ, რაც აშშ-მა გამოთქვა მზადყოფნა, განაახლოს მეხუთე თაობის ამერიკული სტელს გამანადგურებლების მიყიდვა თურქეთისთვის იმ შემთხვევაში თუ ზემოხსენებულ სახელმწიფოებს შორის შედგებოდა თანამშრომლობა S-400-თან დაკავშირებით.

სტატიის ავტორის თქმით, მიუხედავად იმისა, რომ გარკვეულ საკითხებზე არსებობს უთანხმოება თურქეთსა და აშშ-ს შორის, ქვეყნები რჩებიან მნიშვნელოვან სამხედრო პარტნიორებად ერთმანეთისათვის, ხოლო ს-400-ის გადაცემა ამერიკისთვის წარმოადგენს მნიშვნელოვან საფრთხეს რუსეთისა და იმ სხვა სახელმწიფოებისთვის, რომლებიც ეწევიან აღნიშნული ანტისაჰაერო სისტემის ექსპლუატირებას.