ხუთშაბათი, აგვისტო 13, 2020
No menu items!
No menu items!
Home newposts.ge ეკატერინე მიქაბაძე მსოფლიო ბანკის მიერ ჩატარებული ტურიზმის კვლევის პრეზენტაციას დაესწრო

ეკატერინე მიქაბაძე მსოფლიო ბანკის მიერ ჩატარებული ტურიზმის კვლევის პრეზენტაციას დაესწრო

ეკონომიკისა და მდგრადი განვითარების მინისტრის პირველი მოადგილე ეკატერინე მიქაბაძემ მონაწილეობა მიიღო მსოფლიო ბანკის ახალი ანგარიშის „ჩამოსვლის მიღმა – ახალი შესაძლებლობები ქართული ფირმებისთვის ტურიზმის გლობალურ ღირებულებათა ჯაჭვებში” პრეზენტაციაში, რომელსაც ასევე დაესწრო მსოფლიო ბანკის რეგიონული დირექტორი სამხრეთ კავკასიაში სებასტიან მოლინეუსი.

მსოფლიო ბანკის და საქართველოს ეკონომიკისა და მდგრადი განვითარების სამინისტროს მიერ ერთობლივად წარდგენილი ეს ანგარიში მთავრობასთან მსოფლიო ბანკის გრძელვადიანი თანამშრომლობის ნაწილია ტურიზმის პოტენციალის განვითარების მიმართულებით.

ეკონომიკისა და მდგრადი განვითარების პირველი მოადგილის, ეკატერინე მიქაბაძის განცხადებით, ტურიზმი საქართველოს ერთ-ერთი ყველაზე სწრაფად მზარდი სექტორია. ამის მიუხედავად, სექტორის უფრო მეტად და მიზნობრივად განვითარებისთვის მიმდინარეობს არაერთი რეფორმა, რომლის მიზნებსაც საქართველოს ტურისტული ბაზრის დივერსიფიკაცია, მომსახურების ხარისხის ამაღლება, ახალი ტურისტული მიმართულებებისა და პროდუქტების შექმნა და საბოლოო ჯამში, ქვეყანაში უფრო მაღალ მხარჯველუნარიანი ვიზიტორების ჩამოყვანა წარმოადგენს. „მსოფლიო ბანკის ანგარიში მნიშვნელოვანია ერთის მხრივ საქართველოს ტურიზმის განვითარების სტრატეგიის განხორციელებისათვის, რომელიც მთავრობამ მსოფლიო ბანკთან კოოპერაციით შექმნა და მეორე მხრივ, ანგარიში შესაძლებლობაა კერძო სექტორისა და საერთაშორისო დონორების ჩართულობით დავსახოთ ახალი გამოწვევების დაძლევის გზები,” – განაცხადა ეკატერინე მიქაბაძემ.

მსოფლიო ბანკის ანგარიშში ყურადღება გამახვილებულია ორ ცენტრალურ შეკითხვაზე – როგორ ცვლიან ახალი ტენდენციები ტურიზმის გლობალურ ღირებულებათა ჯაჭვების სტრუქტურას და როგორ შეუძლიათ ქართულ ფირმებს ასეთი ცვლილებებიდან სარგებლის მიღება, ასევე რა სახის დარგობრივი პოლიტიკის რეფორმები, ინვესტიციები ან უნარების განვითარებაა საჭირო საქართველოს ტურიზმის ღირებულებათა ჯაჭვებში კონკურენტუნარიანობის ასამაღლებლად.

მსოფლიო ბანკის რეგიონული დირექტორის სამხრეთ კავკასიაში სებასტიან მოლინეუსის განცხადებით, ტრადიციული საქმიანობა, როგორიცაა, მაგალითად, კულინარული სერვისები, საცხოვრებლით უზრუნველყოფა, გიდების მომსახურება და სასტუმრო ბიზნესის ტრენინგის დაწესებულებების არსებობა, ტურიზმისთვის უმნიშვნელოვანეს საყრდენ წერტილად დარჩება, მაგრამ, გლობალურ ღირებულებათა ჯაჭვების სტრუქტურის ცვლილებასთან ერთად საქართველოს შესაძლებლობა აქვს კონკურენტუნარიანი გახდეს მაღალი დამატებითი ღირებულების მქონე განვითარებად მიმართულებებში. „ქართული კომპანიები მოახერხებენ ახალი შესაძლებლობების გამოყენებას, მაგრამ მხოლოდ იმ შემთხვევაში, თუ ისინი თანამედროვე ტენდენციების შესაბამისად იქნებიან აღჭურვილნი და კონკურენციას გაუწევენ უცხოურ კომპანიებს,” – განაცადა მსოფლიო ბანკის რეგიონულმა დირექტორმა.

პრეზენტაციას ტურიზმის სექტორისა და საქართველოში აკრედიტებული საერთაშორისო საფინანსო ორგანიზაციების წარმომადგენლები დაესწრნენ.

Newposts.Ge
საინფორმაციო სააგენტო www.newposts.ge დაფუძნდა 2012 წელს. ჩვენ მომხმარებელს ვთავაზობთ პოლიტიკურ, ეკონომიკურ, სოციალურ, გასართობ და სხვა სახის საინტერესო ობიექტურ ინფორმაციას სხვადასხვა ენებზე.
- Advertisment -

Most Popular

Stack 3.0 — ქართული სმარტ-ბრაუზერი MacOS-ის შემდეგ Windows-ზეც გამოდის

Stack — პირველი ქართული სმარტ-ბრაუზერია, რომელიც ინტერნეტში მუშაობას ბევრად ეფექტურსა და მოქნილს ხდის. ახალ ბრაუზერზე მუშაობა წელიწად-ნახევრის წინ დაიწყო და მას მსოფლიოში უკვე 30 000-მდე...

კრისტალმა მიკრო მეწარმეებისა და ფერმერებისთვის BlueOrchard-სგან 5 მილიონი დოლარი მოიზიდა

საერთაშორისო საფინანსო ორგანიზაცია BlueOrchard Finance-თან გრძელვადიანი პარტნიორობის ფარგლებში, ფინანსური ჩართულობის კომპანია კრისტალმა 5 მილიონი აშშ დოლარის მოცულობის ინვესტიცია მოიზიდა, რომელიც საქართველოს მასშტაბით მიკრო მეწარმეებისა...

Betterhelp: Betterfly მცირე და საშუალო ბიზნესს უფასო საკომუნიკაციო გეგმით დაეხმარება

კორონავირუსმა მცირე და საშუალო ბიზნესები დიდი გამოწვევის წინაშე დააყენა. იმისთვის, რომ ეს კომპანიები მომხმარებლების ცნობიერებიდან ბოლომდე არ გაქრნენ, სარეკლამო სააგენტო ბეთერფლაიმ სპეციალური პროექტი შექმნა....

ვითიბი ბანკმა VISA -სთან ერთდ ახალი ბარათი VISA Signature წარმოადგინა

VISA Signature პრემიალური ტიპის ბარათია, რომლის მფლობელებს შეუძლიათ ისარგებლონ ექსკლუზიური პირობებით და კონკრეტულად ამ ბარათისთვის შექმნილი სერვისებითა და პრივილეგიებით. ვითიბი ბანკი აღნიშნულ ბარათს, პრემიუმ...

ბოლო კომენტარები