ხუთშაბათი, აგვისტო 13, 2020
No menu items!
No menu items!
Home საზოგადოება თბილისის და რამდენიმე დიდი ქალაქის საჯარო სკოლებში ვიდეოკამერები დამონტაჟდება

თბილისის და რამდენიმე დიდი ქალაქის საჯარო სკოლებში ვიდეოკამერები დამონტაჟდება

თბილისის და რამდენიმე დიდი ქალაქის საჯარო სკოლები 2020 წელს ვიდეოკამერებით აღიჭურვება. ამის შესახებ „ინტერპრესნიუსს“ საქართველოს განათლების, მეცნიერების, კულტურისა და სპორტის მინისტრის მოადგილე ეკატერინე დგებუაძემ განუცხადა.

როგორც დგებუაძემ აღნიშნა, ვიდეოკამერების დამონტაჟება ეტაპობრივად ყველა საჯარო სკოლაში მოხდება.

„2020 წელს გვაქვს დაგეგმილი სკოლების კამერებით აღჭურვა და რა თქმა უნდა, ეტაპობრივად მოვიცავთ ყველა სკოლას. ამ ეტაპზე ჩვენ დავგეგმეთ, რომ პირველ რიგში მოვიცვათ თბილისის და დიდი ქალაქების სკოლები და მერე გადავალთ სხვა დანარჩენ სკოლებზე. ზუსტ თანხას ვერ გეტყვით, რა შეიძლება გამოვყოთ კამერების შესასყიდად. გეგმა არის

ის, რომ 2020 წელს დავიწყებთ დედაქალაქის და დიდი ქალაქების აღჭურვას.

რაც შეეხება დეტექტორებს, ამაზე ჯერ საუბარი არ გვქონია ყველა სკოლა აღიჭურვება თუ არა. ყოველ შემთხვევაში განიხილება სხვადასხვა ვარიანტები და დეტალურ ინფორმაციას მოგვიანებით მოგაწოდებთ“, – განაცხადა დგებუაძემ.

მისივე თქმით, სამინისტრო ასევე გეგმავს საჯარო სკოლებში უსაფრთხოების დაცვის მიზნით მანდატურის სამსახური გააძლიეროს, ხოლო კერძო სკოლებში უსაფრთხოებაზე პასუხისმგებელი პირები გადაამზადოს.

„მანდატურის სამსახური კერძო სკოლებში არ შევა. ვგეგმავთ, უზრუნველვყოთ 223 კერძო სკოლაში უსაფრთხოებაზე პასუხისმგებელი პირების გადამზადება. ძალიან ძნელია ვთქვა, რომ ეს ერთ ან ორ თვეში მოხდება. მაგრამ 2020 წელს დავიწყებთ ამ ადამიანებისთვის გადამზადების პროცესს და ვეცდებით, წლის ბოლომდე მოვიცვათ ყველა კერძო სკოლა. უსაფრთხოებაზე პასუხისმგებლი პირი არის ადამიანი, რომელიც შეიძლება განსაზღვროს თვითონ სკოლის ადმინისტრაციამ, შეიძლება ეს იყოს პედაგოგი ან დირექტორის მოადგილე“, – განაცხადა დგებუაძემ.

ცნობისთვის, მთავრობის ადმინისტრაციაში არასწრულწლოვანთა მართლმსაჯულებისა და განათლების სფეროში არსებულ გამოწვევებზე უწყებათაშორისი სამუშაო ჯგუფია შექმნილი. ჯგუფი ბავშვის ფიზიკურ და ფსიქოლოგიურ უსაფრთხოებასა და პრევენციისთვის უწყებების მიერ განსახორციელებელ ამოცანებზე მუშაობს. უწყებათაშორის ჯგუფში შედიან – ჯანდაცვის, განათლების, იუსტიციის სამინისტროების წარმომადგენლები, ადგილობრივი არასამთავრობო ორგანიზაციები, ფსიქოლოგები და დარგის სპეციალისტები.

- Advertisment -

Most Popular

Stack 3.0 — ქართული სმარტ-ბრაუზერი MacOS-ის შემდეგ Windows-ზეც გამოდის

Stack — პირველი ქართული სმარტ-ბრაუზერია, რომელიც ინტერნეტში მუშაობას ბევრად ეფექტურსა და მოქნილს ხდის. ახალ ბრაუზერზე მუშაობა წელიწად-ნახევრის წინ დაიწყო და მას მსოფლიოში უკვე 30 000-მდე...

კრისტალმა მიკრო მეწარმეებისა და ფერმერებისთვის BlueOrchard-სგან 5 მილიონი დოლარი მოიზიდა

საერთაშორისო საფინანსო ორგანიზაცია BlueOrchard Finance-თან გრძელვადიანი პარტნიორობის ფარგლებში, ფინანსური ჩართულობის კომპანია კრისტალმა 5 მილიონი აშშ დოლარის მოცულობის ინვესტიცია მოიზიდა, რომელიც საქართველოს მასშტაბით მიკრო მეწარმეებისა...

Betterhelp: Betterfly მცირე და საშუალო ბიზნესს უფასო საკომუნიკაციო გეგმით დაეხმარება

კორონავირუსმა მცირე და საშუალო ბიზნესები დიდი გამოწვევის წინაშე დააყენა. იმისთვის, რომ ეს კომპანიები მომხმარებლების ცნობიერებიდან ბოლომდე არ გაქრნენ, სარეკლამო სააგენტო ბეთერფლაიმ სპეციალური პროექტი შექმნა....

ვითიბი ბანკმა VISA -სთან ერთდ ახალი ბარათი VISA Signature წარმოადგინა

VISA Signature პრემიალური ტიპის ბარათია, რომლის მფლობელებს შეუძლიათ ისარგებლონ ექსკლუზიური პირობებით და კონკრეტულად ამ ბარათისთვის შექმნილი სერვისებითა და პრივილეგიებით. ვითიბი ბანკი აღნიშნულ ბარათს, პრემიუმ...

ბოლო კომენტარები