ოთხშაბათი, აგვისტო 5, 2020
No menu items!
No menu items!
Home სპორტი „ატლეტიკო“ სალიგაჩემპიონო ოთხეულში დაბრუნდა

„ატლეტიკო“ სალიგაჩემპიონო ოთხეულში დაბრუნდა

„ატლეტიკო“ სალიგაჩემპიონო ოთხეულში დაბრუნდა

„კლასიკოს“ წინ „ბარსელონას“ მოგებათა სერია შეწყდა. ერნესტო ვალვერდეს გუნდმა, მოულოდნელად ძალიან სუსტად ითამაშა სან სებასტიანში „სოსიედადის“ წინააღმდეგ. შესაძლოა, კატალონიელი ფეხბურთელები გონებით უკვე „რეალთან“ შეხვედრაში იყვნენ. ამიტომ ჩვენ ვიხილეთ არა „ბარსელონა“ არამედ მისი აჩრდილი. შეუმჩნეველი იყო ლეო მესიც, თუმცა, ლუის სუარესს საგოლე პასი სწორედ მან მისცა.

„სოსიედადმა“ კი თავიდანვე მიხედა საქმეს და პირველ ნახევარ საათში მეტოქეს შანსი არ მისცემია. მასპინძლებმა ანგარიში მე-12 წუთზე გახსნეს, როცა დიეგო ლიორენტეს წაქცევისათვის დანიშნული პენალტი მიკელ ოიარსაბალმა გაიტანა. სტუმრებმა მაინც შეძლეს ანგარიშის გათანაბრება, თავი ანტუან გრიზმანმა გამოიჩინა.

მეტიც, მეორე ნახევრის დასაწყისში კატალონიელები დაწინაურდნენ კიდეც. მესი მეტოქის საჯარიმოში შეიჭრა, მაგრამ თავად არ დაარტყა, ბურთი სუარესს დაუგორა და ურუგვაელმა ბურთი ცარიელ კარში შეაგორა. აქვე კატალონიელებს ყველაფრის დასრულება შეეძლოთ, მაგრამ ალექს რემირომ გრიზმანს დუბლის შესრულების საშუალება არ მისცა.

მასპინძლებმა მაინც გაათანაბრეს. ბასკებმა კლვლავ იძალეს, მაგრამ სიზუსტეში მოიკოჭლებდნენ.

„ბარსელონა“ ერთპიროვნული ლიდერი გახდა, „რეალს“ ერთი ქულით გაუსწრო. თუმცა, „სამეფო კლუბს“ ჯერ კიდევ სათამაშო აქვს ამ ტურში „ვალენსიასთან.“

დღის გვიან მატჩში „ატლეტიკომ“ „ოსასუნას“ 2:0 მოუგო და საუკეთესო, ანუ სალიგაჩემპიონო ოთხეულში დაბრუნდა.

დიეგო სიმეონეს შეგირდები პირველ ტაიმშიც ფლობდნენ უპირატესობას, მაგრამ შესანიშნავად ირჯებოდა პამპლონელთა მეკარე სერხიო ერერა. მარტო ტაიმის ბოლო 10 წუთში შეასრულა ხუთი სეივი.

ვითარება არც შესვენების შემდეგ შეცვლილა. თუმცა, 67-ე წუთამდე ტაბლოზე ნულები ენთო. მაგრამ მონდომებამ თავისი გაიტანა და ტრიპიერის საჯარიმოდან ჩაწოდებული, მორატამ გოლად აქცია. მალევე საბოლოო ანგარიში საულმა დააფიქსირა.

„ატლეტიკომ“ გამარჯვებით დაასრულა წლევანდელი სეზონი მშობლიურ „ვანდა მეტროპოლიტანოზე.“

ესპანეთი

პრიმერა. მე-17 ტური. 14 დეკემბერი

სოსიედადი – ბარსელონა 2:2

სან სებასტიანი. „ანოეტა.“ 36 639

1:0 ოიარსაბალი (12 პენ), 1:1 გრიზმანი (38), 1:2 სუარესი (49), 2:2 ისაკი (62)

სოსიედადი: რემირო, სალდუა, სუბელდია, ლიორენტე, მონრეალი, გევარა, მერინო, ედეგორი, პორტუ (იანუზაი 59), ოიარსაბალი (ბარენჩეა 85), ისაკი (ვილიანი 66)

მწვრთნელი: იმანოლ ალგუასილი

ბარსელონა: ტერ შტეგენი, რობერტო, პიკე, ლანგლე, ალბა (სემედუ 74), ბუსკეტსი (ალენია 73), დე იონგი, რაკიტიჩი (ვიდალი 79), მესი, სუარესი, გრიზმანი

მწვრთნელი: ერნესტო ვალვერდე

მსაჯი: ალბეროლა როხასი

გაფრთხილება: სუარესი (74)

ატლეტიკო – ოსასუნა 2:0

მადრიდი. „ვანდა მეტროპოლიტანო.“ 46 033

1:0 მორატა (67), 2:0 საული (75)

ატლეტიკო: ობლაკი, ტრიპიერი, ფელიპე, ხიმენესი, სანჩესი (ერერა 63), კოკე, ტომასი, საული, ლემარი (კორეა 54), მორატა, ფელიში (ერმოსო 82)

მწვრთნელი: დიეგო სიმეონე

ოსასუნა: ერერა, ნავასი, დავიდ გარსია, ოიერი (იბანიესი 73), რონკალია, ესტუპინიანი, ტორესი (ადრიანი 73), მერიდა (პერესი 79), ბრაშანაცი, რუბენ გარსია, ავილა

მწვრთნელი: იაგობა არასატე

მსაჯი: ხოსე მონტერო

გაფრთხილება: სანჩესი (26); ერერა (53)

გრანადა – ლევანტე 1:2

0:1 როჩინა (55), 1:1 მაჩისი (60), 1:2 ბარდჰი (90)

ბილბაო – ეიბარი 0:0

13 დეკემბერი

ალავესი – ლეგანესი 1:1

0:1 ბრეითუეითი (43), 1:1 ხოსელუ (81)

- Advertisment -

Most Popular

Stack 3.0 — ქართული სმარტ-ბრაუზერი MacOS-ის შემდეგ Windows-ზეც გამოდის

Stack — პირველი ქართული სმარტ-ბრაუზერია, რომელიც ინტერნეტში მუშაობას ბევრად ეფექტურსა და მოქნილს ხდის. ახალ ბრაუზერზე მუშაობა წელიწად-ნახევრის წინ დაიწყო და მას მსოფლიოში უკვე 30 000-მდე...

კრისტალმა მიკრო მეწარმეებისა და ფერმერებისთვის BlueOrchard-სგან 5 მილიონი დოლარი მოიზიდა

საერთაშორისო საფინანსო ორგანიზაცია BlueOrchard Finance-თან გრძელვადიანი პარტნიორობის ფარგლებში, ფინანსური ჩართულობის კომპანია კრისტალმა 5 მილიონი აშშ დოლარის მოცულობის ინვესტიცია მოიზიდა, რომელიც საქართველოს მასშტაბით მიკრო მეწარმეებისა...

Betterhelp: Betterfly მცირე და საშუალო ბიზნესს უფასო საკომუნიკაციო გეგმით დაეხმარება

კორონავირუსმა მცირე და საშუალო ბიზნესები დიდი გამოწვევის წინაშე დააყენა. იმისთვის, რომ ეს კომპანიები მომხმარებლების ცნობიერებიდან ბოლომდე არ გაქრნენ, სარეკლამო სააგენტო ბეთერფლაიმ სპეციალური პროექტი შექმნა....

ვითიბი ბანკმა VISA -სთან ერთდ ახალი ბარათი VISA Signature წარმოადგინა

VISA Signature პრემიალური ტიპის ბარათია, რომლის მფლობელებს შეუძლიათ ისარგებლონ ექსკლუზიური პირობებით და კონკრეტულად ამ ბარათისთვის შექმნილი სერვისებითა და პრივილეგიებით. ვითიბი ბანკი აღნიშნულ ბარათს, პრემიუმ...

ბოლო კომენტარები