ოთხშაბათი, აგვისტო 12, 2020
No menu items!
No menu items!
Home სხვადასხვა ფილმებიდან კარგად ნაცნობი 10 ადგილი, რომელიც საკუთარი თვალით უნდა ნახოთ

ფილმებიდან კარგად ნაცნობი 10 ადგილი, რომელიც საკუთარი თვალით უნდა ნახოთ

მოგზაურობა ყოველთვის ახალ, შთამბეჭდავ და მოულოდნელ ემოციებთანაა დაკავშირებული: როგორც კი აქამდე შენთვის უცხო მიწაზე დადგამ ფეხს, ერთი სული გაქვს იქაური კულტურა, ისტორია და ცხოვრების სტილი შეიგრძნო.

წარმოიდგინეთ, რომ ამა თუ იმ კუთხის მონახულებასთან ერთად, შესაძლებლობა გეძლევათ თქვენთვის საყვარელი ფილმის სამყაროშიც იმოგზაუროთ. ახლა სწორედ 10 ასეთი ადგილის შესახებ გიამბობთ, სადაც ყველასთვის კარგად ნაცნობი ფილმები გადაიღეს და იქ სტუმრობისას თქვენც კინოს გმირად იგრძნობთ თავს.

1. ქალაქი მატმატა, ტუნისი — ვარსკვლავური ომები

ფოტო: Arian Zwegers

ვარსკვლავური ომების ერთგული ფანებისთვის კარგად ნაცნობი გამოგონილი პლანეტის, ტატუინის სცენები სწორედ სუდანის სამხრეთით მდებარე პატარა ქალაქ მატმატაშია გადაღებული.

2. სოფელი გლენკო, შოტლანდია — ჰარი პოტერი

ფოტო: Flickr

ისეთი ჯადოსნური სამყაროს რეალურობა, რომელიც ყველასათვის კარგად ნაცნობი ჰარი პოტერის ფილმების სერიაშია აღწერილი, შესაძლოა, რთული წარმოსადგენი გეგონოთ, თუმცა შოტლანდიის ამ უმშვენიერეს სოფელში თუ მოხვდებით, სადაც ჰარი პოტერის მესამე ნაწილი, აზკაბანის ტყვე გადაიღეს, ჯადოსნური ცხოველების არსებობაშიც კი აღარ შეგეპარებათ ეჭვი.

3. ოჰაიოს ციხე, აშშ — გაქცევა შოუშენკიდან

ფოტო: AdrenalinePR

მსოფლიოში ერთ-ერთი ყველაზე ცნობილი და მაღალრეიტინგული ფილმი გაქცევა შოუშენკიდან ამერიკის ისტორიულ შენობაში გადაიღეს, რომელიც ერთ დროს მართლაც ცნობილი საპატიმრო იყო. ოჰაიოს ციხე 1990 წლამდე ფუნქციონირებდა, დღეს კი ისტორიულ ძეგლად ითვლება, რომელსაც მარტივად შეგიძლიათ ეწვიოთ.

4. ქალაქი ატლანტა, აშშ — შიმშილის თამაშები

ფოტო: Flickr

თუ ქეთნის ევერდინის შესახებ გადაღებული ფილმების სერია გინახავთ, არ დაგავიწყდებოდათ პრეზიდენტ სნოუს მდიდრული სასახლე, რომელიც სინამდვილეში ჯორჯიის შტატში მდებარე გედების სასახლის სახელით ცნობილი ისტორიული შენობაა.

5. ტონგარიროს ეროვნული პარკი, ახალი ზელანდია — ბეჭდების მბრძანებელი

ფოტო: Guillaume Piolle

კინოსა და ლიტერატურის ისტორიაში ერთ-ერთი ყველაზე საშიში და საზარელი ადგილის — მორდორის აღსაბეჭდად ბეჭდების მბრძანებლის შემქმნელებმა ახალი ზელანდიის იშვიათი და საუცხოო ბუნებრივი გარემო გამოიყენეს.

6. ქალაქი პეტრა, იორდანია — ინდიანა ჯონსის თავგადასავალი

ფოტო: Getty

თუ ინდიანა ჯონსის მსგავსად დაუვიწყარ თავგადასავლებს ეძებთ, მაშინ ეს ადგილი აუცილებლად უნდა მოინახულოთ.

7. ნერიოიფიორდი, ნორვეგია — გაყინული

ფოტო: Getty

ელზასა და ანას ჯადოსნური სამყაროს შექმნის შთაგონების წყარო ნორვეგიის ეს ულამაზესი ბუნება გახდა.

8. ჰავაი, აშშ — იურიული პარკი

ფოტო: Getty

ჰავაის ტროპიკული გარემო ნამდვილად შესაფერისი ადგილია იმისათვის, რომ უზარმაზარ დინოზავრებს გადააწყდეთ.

9. ქალაქი ზალცბურგი, ავსტრია — მუსიკის ჰანგები

ფოტო: Shutterstock

მუსიკის ჰანგები უამრავ მაყურებელს ასე შთამბეჭდავად სწორედ ზალცბურგის თვალწარმტაცი ხედების გამო ახსოვს.

10. ქალაქი მატამატა, ახალი ზელანდია — ჰობიტი

ფოტო: Thomas Schweighofer

როგორც ჩანს, ახალი ზელანდია რეალურად გაცოცხლებული ტოლკინის ეპიკური სამყაროა — არა მარტო ბეჭდების მბრძანებლისა და ჰობიტის ფილმების მრავალი სცენა შეიქმნა იქ, არამედ ამ სამყაროს შესახებ მომავალ სერიალსაც სწორედ იქ იღებენ.

გაინტერესებს, სად უნდა იპოვო ყველაზე იაფი ავიაბილეთები? Aviabiletebi.org სწორედ ამისთვის შექმნილი პლატფორმაა. მისი აპლიკაცია, რომელიც ხელმისაწვდომია როგორც ანდროიდის, ისე iOS სისტემისთვის საშუალებას გაძლევთ, ბილეთების გარდა, ერთ სივრცეში მოძებნოთ სასტუმროებიც, ჰოსტელებიც და Airbnb-ის ბინებიც.

On.Gehttps://on.ge
On.ge ახალი მედია-საშუალებაა, რომელიც აერთიანებს ახალი ამბების პორტალს, ჟურნალს, კარგი ამბების სააგენტოს და On.ge ბრენდის ქვეშ არსებულ სხვა სერვისებს.
- Advertisment -

Most Popular

Stack 3.0 — ქართული სმარტ-ბრაუზერი MacOS-ის შემდეგ Windows-ზეც გამოდის

Stack — პირველი ქართული სმარტ-ბრაუზერია, რომელიც ინტერნეტში მუშაობას ბევრად ეფექტურსა და მოქნილს ხდის. ახალ ბრაუზერზე მუშაობა წელიწად-ნახევრის წინ დაიწყო და მას მსოფლიოში უკვე 30 000-მდე...

კრისტალმა მიკრო მეწარმეებისა და ფერმერებისთვის BlueOrchard-სგან 5 მილიონი დოლარი მოიზიდა

საერთაშორისო საფინანსო ორგანიზაცია BlueOrchard Finance-თან გრძელვადიანი პარტნიორობის ფარგლებში, ფინანსური ჩართულობის კომპანია კრისტალმა 5 მილიონი აშშ დოლარის მოცულობის ინვესტიცია მოიზიდა, რომელიც საქართველოს მასშტაბით მიკრო მეწარმეებისა...

Betterhelp: Betterfly მცირე და საშუალო ბიზნესს უფასო საკომუნიკაციო გეგმით დაეხმარება

კორონავირუსმა მცირე და საშუალო ბიზნესები დიდი გამოწვევის წინაშე დააყენა. იმისთვის, რომ ეს კომპანიები მომხმარებლების ცნობიერებიდან ბოლომდე არ გაქრნენ, სარეკლამო სააგენტო ბეთერფლაიმ სპეციალური პროექტი შექმნა....

ვითიბი ბანკმა VISA -სთან ერთდ ახალი ბარათი VISA Signature წარმოადგინა

VISA Signature პრემიალური ტიპის ბარათია, რომლის მფლობელებს შეუძლიათ ისარგებლონ ექსკლუზიური პირობებით და კონკრეტულად ამ ბარათისთვის შექმნილი სერვისებითა და პრივილეგიებით. ვითიბი ბანკი აღნიშნულ ბარათს, პრემიუმ...

ბოლო კომენტარები